Albert Guðmundsson var í byrjunarliði AZ Alkmaar sem tók á móti Heerenveen í hollenska boltanum í dag.

AZ var betri aðilinn stærsta hluta leiksins og leiddi 1-0 í hálfleik. Teun Koopmeiners tvöfaldaði forystuna í upphafi síðari hálfleiks áður en Lasse Schöne minnkaði muninn.

Það var svo Albert sem gerði út um leikinn með marki á 81. mínútu og lokatölur urðu 3-1. Þetta var fyrsta mark Alberts síðan í byrjun nóvember.

AZ er í þriðja sæti hollensku deildarinnar með 43 stig eftir 22 umferðir. Heerenveen er í umspilsbaráttunni með 29 stig.