„Víkingar gátu núll. Ég var Víkings meginn í stúkunni og fólk var í sjokki hvað þeir voru lélegir," sagði Elvar Geir Magnússon í Innkastinu í gær þegar rætt var um leik Víkings R. og HK.
Víkingur hafði betur 2-0 þrátt fyrir að spila ekki sinn besta leik á sunnudaginn.
Víkingur hafði betur 2-0 þrátt fyrir að spila ekki sinn besta leik á sunnudaginn.
„Víkingar sögðu eiginlega: 'Gjörið svo vel HK-ingar, þetta er ykkar séns," sagði Gunnar Birgisson.
„Frammistaða upp á akkúrat 4,5 hjá Víkingum. Ég stílaði sjálfur inn á það alla Verzlunarskólagönguna og þekki þessa einkunn vel. Allt annað er óborguð yfirvinna," bætti Gunnar við léttur í bragði.
Arnar Gunnlaugsson, þjálfari Víkings, var sammála því að frammistaða liðsins hafi ekki verið góð í leiknum.
„Ég er mjög ánægður með þrjú stigin, þetta var hrikalega erfiður leikur. Við vorum langt frá okkar besta og HK menn mjög sprækir og áttu svo sannarlega eitthvað skilið úr leiknum í dag en svona er fótboltinn stundum," sagði Arnar við Fótbolta.net eftir leik.
„Menn mega alveg eiga einn off dag á skrifstofunni en þá þarf bara að vinna iðnaðarsigur og leita djúpt inni til að sækja þann sigur sem mér fannst við gera."
Hér að neðan má hlusta á Innkastið og viðtalið við Arnar.
Athugasemdir
