Fram tók á móti Þór í Safamýrinni í dag og sigraði þá með þremur mörkum gegn engu.

Helgi Guðjónsson skoraði öll þrjú mörkin og komust Framarar upp fyrir Þór í 4. sæti Inkasso deildarinnar með sigrinum í dag.

Lestu um leikinn: Fram 3 -  0 Þór

Veðrið var alls ekki gott en það var mikil rigning og vindur en heimamenn létu það ekki stoppa sig.

„Það var erfitt veður í dag og við gerðum okkar besta til að halda boltanum niðri og reyna að spila eins og við gátum og það endaði í þremur stigum í dag" sagði Helgi eftir leikinn.

Með þrennunni er hann orðinn markahæsti maður deildarinnar með 15 mörk en á eftir honum kemur Pétur Theódór framherji Gróttu með 14. Aðspurður segist Helgi ætla að reyna enda á toppnum en liðið kemur fyrst.

„Verður maður ekki að reyna það fyrst það er bara einn leikur eftir. En við reynum bara að taka seinasta leikinn og svo er það aukaatriði ef ég enda markahæstur."

Fram situr nú í 4. sæti deildarinnar, þeir geta ekki náð þriðja sætinu en munu reyna að enda tímabilið sem hæst.

„Eins og við erum búnir að tala um þá ætlum við að taka þessa síðustu þrjá leiki og reyna að enda eins ofarlega á töflunni og við getum."

Tweet

Senda a Facebook Hafdu samband Senda frétt Prenta frétt Frétta leit