Sjálfstraustið er bara í botni
Kristall Máni varð Íslandsmeistari í september.
„Mér líst bara mjög vel á þetta, mætum góðu liði sem er búið að vera 'on fire' í síðustu leikjum. Ég get bara ekki beðið," sagði Kristall Máni Ingason, leikmaður Víkings, við Fótbolta.net.
Er það að fara hjálpa ykkur eða er það erfiðari fyrir ykkur að Skagamenn séu að koma á skriði inn í þennan leik?
Er það að fara hjálpa ykkur eða er það erfiðari fyrir ykkur að Skagamenn séu að koma á skriði inn í þennan leik?
„100% erfiðara. Þeir eru með góða leikmenn, leikmenn sem ég var með U21 hópnum sem eru bara mjög góðir."
Varstu eitthvað að skjóta á Ísak Snæ og Gísla Laxdal í U21 verkefninu fyrir leikinn á laugardaginn eða voru þeir að skjóta á þig?
„Ég reyndi það aðeins, maður nær þeim ekkert mikið upp. Ég sá að þeir eru 100% fókuseraðir á þetta og ætla sér að vinna þennan titil en því miður fyrir þá ætlum við okkur það líka."
„Við þurfum allavega að skora fleiri mörk en þeir og spila eins og við höfum gert í sumar, spila góðan sóknarleik og góðan varnarleik."
Hvernig er sjálfstraustið núna?
„Ég myndi segja að það væri mjög gott. Það er búið að vera mikið í gangi og þótt ég segi sjálfur frá þá er ég búinn að standa mig vel og sjálfstraustið er bara í botni."
„Það er klárlega fullkomið tímabil ef við löndum báðum titlunum. Þá er maður að skrá sig í sögubækurnar og maður stefnir á það," sagði Kristall.
