Orri Steinn Óskarsson.
Orri Steinn Óskarsson átti frábæran leik fyrir Ísland í 2-4 tapinu gegn Tyrklandi í kvöld en hann var brjálaður eftir leikinn.
Orri ræddi við Vísi eftir leikinn og talaði þar um dómgæsluna sem var mjög furðuleg í leiknum.
„Þetta var enginn 4-2 leikur... Mér finnst þetta bara kjaftæði. Ég bara fatta þetta ekki. Hvernig getur þetta verið svona? Þeir fá tvö svona auðveld víti en svo getur hann fleygt sér á línunni með hendurnar fyrir boltann en ekkert víti dæmt. Það meikar engan sens. Það sýður á mér," sagði Orri pirraður.
„Þetta er auðvitað bara móment sem getur breytt leiknum, hundrað prósent. Frá mér var þetta klárlega hendi og ég skil bara ekki hvernig þetta fór ekki á okkar veg í dag."
Orri skoraði frábært mark í leiknum en það er afar svekkjandi að fá ekkert stig úr leiknum í dag og bara eitt stig úr glugganum.
Athugasemdir
