Þó svo við megum búast við jöfnum leik innan vallar milli Tyrklands og Íslands í undankeppni EM 2020 klukkan 17:00 í dag, er hætt við að baráttan utan vallar sé svotil töpuð fyrir fram.

Völlurinn sem tekur 52.652 áhorfendur komst árið 2011 í heimsmetabót Guinness sem háværasti fótboltavöllur heims.

Þá mældust lætin 137,76 desibil í stórleik Galatasaray og Fenerbache en leikir þessa liða vekja alltaf mikla spennu.

Þeir Íslendingar sem keyptu miða á leikinn í gegnum KSÍ voru aðeins 39 og því má búast við að ef Tyrkirnir aðstoða þau ekki við Víkingaklappið þá týnist það í látunum.

Leikurinn skiptir bæði lið miklu máli, Ísland verður að vinna til að eiga möguleika á sæti á EM 2020 í gegnum undankeppnina, Tyrkjum nægir stig til að tryggja sér sæti á lokamótinu.

Tweet

Senda a Facebook Hafdu samband Senda frétt Prenta frétt Frétta leit