Þýskaland: Stórsigur hjá Bayern - Lykilmenn Leipzig sáu rautt

Toppliðið hefur verið í frábæru formi á leiktíðinni og hélt sigurganga liðsins áfram í kvöld.

Leroy Sane skoraði með þrumuskoti snemma leiks áður en Raphael Guerreiro tvöfaldaði forystuna fimm mínútum síðar. Harry Kane gerði þriðja markið úr vítaspyrnu áður en Sane gerði annað mark sitt strax í upphafi síðari hálfleiks.

Serge Gnabry gerði fimmta markið nokkrum mínútum eftir mark Sane og rak þannig síðasta naglann í kistu Hoffenheim. Bayern er með 42 stig á toppnum, fjórum stigum á undan Bayer Leverkusen.

Það var heldur betur líf og fjör er Stuttgart lagði RB Leipzig að velli, 2-1 í Leipzig.

Slóvenski framherjinn Benjamin Sesko kom Leipzig yfir á 10. mínútu, en heimamenn náðu að snúa taflinu við í þeim síðari með mörkum frá Jacob Bruun Larsen og hinum stóra og stæðilgea NIck Woltemade.

Á lokamínútum leiksins fengu báðir sóknarmenn Leipzig, þeir Sesko og Lois Openda að líta rauða spjaldið. Báðir fengu sitt annað gula spjald. Sesko fékk sitt annað gula fyrir að stíga á mótherja og Openda fyrir að ýta leikmanni Stuttgart.

Hrikalega slæmar fréttir fyrir Leipzig sem er í 4. sæti með 30 stig en Stuttgart í sætinu fyrir neðan með 29 stig.

Stuttgart 2 - 1 RB Leipzig
0-1 Benjamin Sesko ('10 )
1-1 Jacob Bruun Larsen ('50 )
2-1 Nick Woltemade ('60 )
Rautt spjald: ,Benjamin Sesko, RB Leipzig ('85)Lois Openda, RB Leipzig ('88)

Bayern 5 - 0 Hoffenheim
1-0 Leroy Sane ('7 )
2-0 Raphael Guerreiro ('12 )
3-0 Harry Kane ('26 , víti)
4-0 Leroy Sane ('48 )
5-0 Serge Gnabry ('66 )

Werder 3 - 3 Heidenheim
1-0 Marco Grull ('1 )
1-1 Jan Schoppner ('30 )
2-1 Marvin Ducksch ('56 )
2-2 Luca Kerber ('61 )
3-2 Marco Grull ('79 )
3-3 Leo Scienza ('90 )

Union Berlin 0 - 2 Augsburg
0-1 Alexis Claude-Maurice ('9 )
0-2 Alexis Claude-Maurice ('30 )

Bochum 1 - 0 St. Pauli
1-0 Philipp Hofmann ('67 )
Rautt spjald: Adam Dzwigala, St. Pauli ('90)