Genoa vann Bologna 3-0 í Seríu A á Ítalíu í dag en tveir leikmenn Bologna voru reknir af velli í leiknum.

Adama Soumoro kom Genoa yfir á 28. mínútu áður en Jerdy Schouten var rekinn af velli í liði Bologna á 34. mínútu fyrir ljótt brot en upphaflega fékk hann gult spjald. VAR skoðaði atvikið og í kjölfarið var gula spjaldinu breytt í rautt.

Antonio Sanabria bætti við öðru marki fyrir Genoa undir lok fyrri hálfleiks.

Undir lok leiksins braut Stefano Denswil á Stefano Sturaro innan teigs. Denswil fékk að líta sitt annað gula spjald og þar með rautt og skoraði svo Domenico Criscito örugga úr vítinu.

Lokatölur 3-0 fyrir Genoa sem er með 18 stig í 18. sæti deildarinnar á meðan Bologna er í 7. sæti með 33 stig.