Frá heimavelli Crewe.
Enska fótboltafélagið Crewe Alexandra hefur rekið einn af unglingaþjálfurum félagsins en lögreglurannsókn leiddi í ljós að hann hafði verið að tæla til sín ungar stelpur undir lögaldri.
Carl Everall heitir þjálfarinn og er 28 ára en hann var settur í bann af félaginu í september.
Everall þarf að gangast undir 35 daga meðferð og samfélagsþjónustu í þrjú ár.
Everall hafði starfað við þjálfun hjá Crewe síðan 2013 en hann hefur verið bannaður frá öllum afskiptum af fótbolta af enska knattspyrnusambandinu á meðan hann tekur út sinn dóm.
Hann hafði sent fjölda óviðeigandi Snapchat skilaboða og hætti því ekki fyrr en hann var handtekinn.
Athugasemdir
