Luis de la Fuente, landsliðsþjálfari Spánverja, var himinlifandi eftir sigur á Evrópumótinu.
Hann var hress á fréttamannafundi eftir sigurinn og tók að tala um miðjumanninn Rodri, sem meiddist í úrslitaleiknum gegn Englandi.
„Rodri verður að vinna Gullboltann. Þið verðið að gefa honum þessi verðlaun. Hann er einfaldlega besti fótboltamaður heims," sagði De la Fuente meðal annars.
Rodri er 28 ára gamall og er algjör lykilmaður í ógnarsterku liði Manchester City, þar sem hann hefur unnið fjölda einstaklingsverðlauna auk þess að sigra hina ýmsu titla með félaginu.
Hann á 56 landsleiki að baki fyrir Spán.
Athugasemdir
