Kristian Nökkvi Hlynsson lagði upp mark er unglinga- og varalið Ajax vann unglinga- og varalið Utrecht, 3-1, í hollensku B-deildinni í kvöld en hann kom inná sem varamaður þegar um það bil hálftími var eftir af leiknum.
Kristian kom inná sem varamaður á 63. mínútu í stöðunni 1-1 en Naci Unuvar kom Ajax yfir fjórtán mínútum síðar og þá lagði Kristian upp þriðja markið á 88. mínútu fyrir Terrence Douglas.
Ajax er í 11. sæti B-deildarinnar með 15 stig eftir tíu leiki.
Ísak Óli Ólafsson kom þá inná sem varamaður á 7. mínútu fyrir Seid Korac sem meiddist er Esbjerg tapaði fyrir Helsingör, 3-0, í dönsku B-deildinni.
Esbjerg er í 7. sæti deildarinnar með 12 stig.
Andrea Mist féll með Växjö
Kvennalið Växjö féll í gær niður í sænsku B-deildina eftir 5-0 tap gegn Linköping.
Andrea Mist Pálsdóttir var í byrjunarliði Växjö en var skipt af velli í hálfleik.
Liðið er í neðsta sæti deildarinnar með 8 stig þegar tvær umferðir eru eftir og er nú fallið niður í B-deildina.
María Þórisdóttir lék allan leikinn með Manchester United sem vann Durham eftir vítakeppni í enska bikarnum. Staðan var 2-2 eftir venjulegan leiktíma og hafði United betur í vítakeppninni, 5-4.
Gunnhildur Yrsa Jónsdóttir var í byrjunarliði Orlando Pride sem tapaði fyrir Chicago Red Stars, 1-0, í NWSL-deildinni í Bandaríkjunum. Gunnhildur fór af velli á 82. mínútu.
Orlando Pride er í 8. sæti deildarinnar með 28 stig eftir 22 leiki.
Athugasemdir