Þeir eru að fara skemmtilega leið í VAR-málum í Suður-Ameríku þar sem öll samskipti dómara innan vallar og í VAR herberginu eru tekin upp og sýnd áhorfendum.
Þetta var gert í landsleik Argentínu gegn Paragvæ sem lauk með 1-1 jafntefli en Lionel Messi var afar pirraður út í brasilíska dómarateymið eftir að hann kom knettinum í netið.
Markið var ekki dæmt gilt vegna brots sem átti sér stað á hinum vallarhelmingnum hálfri mínútu fyrir markið.
„Þú klúðraðir þessu fyrir okkur tvisvar," kallaði Messi á dómarann eftir lokaflautið, bálreiður. „Þetta er ótrúlegt, algjörlega til skammar!"
Hér fyrir neðan má sjá upptöku úr VAR herberginu. Dómarateymið talar brasilísku og textinn er á spænsku. Myndbandið sýnir samskipti dómaranna en þau voru öll mjög eðlileg þó Messi hafi ekki verið sáttur í hita leiksins.
Athugasemdir