UEFA, knattspyrnusamband Evrópu, mun krefjast þess að fá 275 milljónir punda í skaðabætur frá deildum og félögum til að fresta EM, sem á að fara fram í sumar.
Hinn áreiðanlegi David Ornstein skrifar grein um þetta á The Athletic.
UEFA gerir ráð fyrir því að það muni kosta það mikið að færa mótið um eitt ár, en það þarf væntanlega að gera það út af kórónuveirunni.
Hinn áreiðanlegi David Ornstein skrifar grein um þetta á The Athletic.
UEFA gerir ráð fyrir því að það muni kosta það mikið að færa mótið um eitt ár, en það þarf væntanlega að gera það út af kórónuveirunni.
Á morgun mun UEFA funda með aðildarfélögum sínum og staðan verður tekin. Eftir þann fund verður frestun Evrópumótsins líklega staðfest.
Hlé hefur verið gert á deildum víðs vegar um Evrópu út af kórónuveirunni. Það er í forgangi hjá deildunum og knattspyrnufélögum að klára keppnistímabilið, en ekki hætta við það.
Þrátt fyrir óvissuna sem er í kringum kórónuveiruna þá vonast flestar evrópskar deildir, sem eru nú í gangi, að hægt verði að klára tímabilið í maí eða júní. Möguleiki er á að mót muni ekki klárast fyrr en í júlí eða síðar, en þá verður flækjustigið mikið út af samningamálum og fleiru.
Evrópumótið 2020 átti að fara fram í 12 borgum víðs vegar um Evrópu. Mótið átti að hefjast 12. júní og klárast 12. júlí.
Á fundinum á morgun verður einnig rætt um Meistaradeildina og Evrópudeildina, ásamt því kvenna EM kvenna, sem á að fara fram á næsta ári, verður háttað.
Exclusive: UEFA want around €300m compensation from leagues/clubs for moving #Euro2020 to summer 2021. That is UEFA-estimated cost of moving tournament as leagues/clubs prioritise completing seasons above other options @TheAthleticUK #CoronavirusOutbreak https://t.co/cByetHA85X
— David Ornstein (@David_Ornstein) March 16, 2020
Athugasemdir
