Jose Enrique, fyrrum bakvörður Liverpool og Newcastle, hefur verið að glíma við veikindi undanfarna mánuði.
Hinn 33 ára gamli Enrique greindist með heilaæxli í fyrra. Hann sagði í viðtali við BBC í ágúst síðastliðnum að um væri að ræða „stærstu áskorun lífs síns."
Enrique fór í aðgerð síðasta sumar og hefur verið í meðhöndlun við æxlinu síðan.
Í gær fékk hann svo frábærar fréttir um að æxlið væri horfið.
„Í dag fékk ég bestu fréttir sem ég gat fengið. Skurðlæknirinn minn hringdi í mig og sagði mér að það væri allt í góðu. Svæðið er hreint og lítur frábærlega út. Takk fyrir allan stuðninginn í gegnum þetta," sagði Enrique á Instagram.
Athugasemdir
