Sóknarmaðurinn Aron Jóhannsson er búinn að gera sitt fyrsta mark í Bestu deildinni.
Lestu um leikinn: Valur 3 - 2 Breiðablik
Það bjuggust ekki margir við því að biðin eftir fyrsta markinu yrði svona löng þegar þessi öflugi sóknarmaður gerði samning við Val síðasta vetur.
Meiðsli hafa sett einhvern strik í reikninginn, en Aron er að spila sinn sjötta leik með Val í Bestu deildinni í kvöld.
„Blikar í sókn, Oliver rúllar boltanum á Damir sem er eitthvað að dútla með boltann. Aron kemur í pressuna, vinnur boltann af Damir og sér að Anton er framarlega. Aron skýtur af löngu færi, er rétt fyrir utan miðjuhringinn á vallarhelmingi Breiðabliks, boltinn yfir og framhjá Antoni og í netið á marki Breiðabliks," skrifaði Sæbjörn Steinke í beinni textalýsingu þegar Aron kom Val yfir gegn Breiðabliki.
Aron átti langan feril í atvinnumennsku og spilaði meðal annars í þýsku og hollensku úrvalsdeilinni áður en hann sneri aftur heim til Íslands.
Athugasemdir