Brighton hefur fengið til sín markvörðinn Kjell Scherpen en hann kemur til félagsins frá Ajax í Hollandi.
Þetta staðfesti enska félagið í kvöld en kaupverðið er ekki gefið upp að svo stöddu.
Scherpen er engin smá smíði en hann er yfir tveir metrar á hæð og á að baki tvo deildarleiki fyrir Ajax.
Scherpen spilaði með PEC Zwolle í láni á síðustu leiktíð en tókst ekki að leika leik fyrir félagið.
Hann er uppalinn hjá liði FC Emmen en var fenginn í varalið Ajax árið 2019.
Athugasemdir