Mörg stórlið úr ensku úrvalsdeildinni voru orðuð við Guirassy í sumar.
Markavélin Serhou Guirassy hefur valið Borussia Dortmund sem næsta áfangastað eftir magnað tímabil með Stuttgart.
Dortmund borgar upp riftunarverðið í samningi Guirassy við Stuttgart, sem hljóðar aðeins upp á 17,5 milljónir evra.
Hinn 28 ára gamli Guirassy gerir fjögurra ára samning við Dortmund eftir að hafa skorað 30 mörk í 30 leikjum með Stuttgart á síðustu leiktíð.
Framherjinn átti að koma til Dortmund í síðustu viku en vandamál í læknisskoðuninni lengdi ferlið. Læknateymi Dortmund fann vandamál í hné Guirassy, en eftir frekari rannsóknir kom í ljós að vandamálið er ekki alvarlegt.
Guirassy kláraði læknisskoðunina í dag og mun skrifa undir samning við sitt nýja félag á fimmtudaginn.
Athugasemdir
