Kristófer Melsteð, leikmaður Gróttu sem er nýkominn til baka eftir erfið meiðsli var að vonum ánægður með að fá fyrstu 90 mínúturnar í kvöld eftir 11 mánuða bið.

„Frábært að vera kominn til baka loksins, tók sinn tíma. Ég kem nokkuð góður undan meiðslunum, erfiðir 11 mánuðir, mikil endurhæfing og fáránlega mikil vinna en þá tók það loksins sinn enda og bara gott að Óskar og Dóri hafi gefið mér traust. Erfitt að koma inn í þetta.“

Lestu um leikinn: Fjölnir 0 -  0 Grótta

Spurður út í leikinn hafði Kristófer þetta að segja:

„Þetta var fínn leikur. Erfitt að koma hingað í Grafarvoginn að sækja einhver stig, bara fáránlega erfitt. Þetta er náttúrulega grasleikur og við spilum á gervigrasi en þetta var bara fínt að ná þessu stigi.“
 

Þegar fréttaritari spurði Kristófer út í framhaldið hjá honum og Gróttu talaði hann um að Gróttumenn væru orðnir þreyttir á jafnteflum og myndu helst vilja taka leikinn gegn Fram en til þess þyrftu þeir að mæta gíraðir í þann leik.

Viðtalið í heild má sjá í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit