Stjarnan er það félag sem er að spila mest á ungum leikmönnum í Bestu deild karla í sumar.
Elfa Björk Sigurjónsdóttir, sem birtir oft skemmtilega tölfræði á Twitter, opinberaði í gær hvaða lið væru mest að gefa ungum leikmönnum tækifæri í Bestu deildinni í sumar.
Elfa Björk Sigurjónsdóttir, sem birtir oft skemmtilega tölfræði á Twitter, opinberaði í gær hvaða lið væru mest að gefa ungum leikmönnum tækifæri í Bestu deildinni í sumar.
„Fjöldi leikmanna 20 ára og yngri sem hafa fengið mínútur í Bestu deild karla og fjöldi mínútna (lauslega reiknaðar útfrá heimasíðu KSÍ, svo það geta verið einhver skekkjumörk)," skrifaði Elfa við færslu sína á Twitter.
Á toppi listans er Stjarnan sem hefur gefið leikmönnum sem eru 20 ára og yngri alls tæplega 5,500 mínútur í sumar. Það útskýrir kannski stöðugleikaleysi sem hefur einkennt Stjörnuna að mörgu leyti í sumar.
Það er samt ÍA sem hefur gefið flestum ungum leikmönnum tækifæri, en mínúturnar eru alls 4,958.
Svo koma FH, Víkingur og ÍBV þar næst á eftir. Á botni listans eru nýliðar Fram sem hafa ekki gefið einum leikmanni á þessum aldri tækifæri í sumar.
Fjöldi leikmanna 20 ára og yngri sem hafa fengið mínútur í Bestu deild karla og fjöldi mínútna (lauslega reiknaðar útfrá heimasíðu KSÍ, svo það geta verið einhver skekkjumörk) pic.twitter.com/5PwW3NNXEW
— Elfa Björk (@ElfaBSig) August 15, 2022
Athugasemdir