Burnley er sjötta tímabilið í röð í efstu deild og er Dyche sá stjóri í deildinni sem hefur verið lengst stjóri hjá sínu félagi. Dyche, sem er fimmtugur, tók við Burnley árið 2012.

Tvisvar á þessum níu árum hjá Dyche hefur hann endað með liðið í efri hluta úrvalsdeildarinnar og einu sinni náði hann Evrópusæti.

Burnley hefur byrjað tímabilið í ár bröslulega, liðið er sem stendur í 18. sæti með eitt stig eftir fjórar umferðir. Jóhann Berg Guðmundsson er á mála hjá Burnley og hefur verið síðan sumarið 2016.