Halldór Smári í leiknum í dag.
Varnarmaðurinn Halldór Smári Sigurðsson hefur gengið í gegnum margt með Víkingi; hæðir og lægðir.
Lestu um leikinn: ÍA 0 - 3 Víkingur R.
Í dag er hann Íslands- og bikarmeistari. „Tilfinningin er óraunveruleg. Ég var að hugsa þetta um daginn, þá var ekki langt síðan ég endaði í tíunda sæti í 1. deildinni með Víkingi. Að vera kominn hingað núna, ég veit ekki hvað skal segja."
„Ég hefði ekki sett neitt upp á móti því ef Kári og Sölvi hefðu bara byrjað þennan leik, upp á að kveðja þá og svona. Ég er búinn að standa mig fínt í sumar og bjóst alveg eins við því að byrja."
„Mér fannst leikurinn erfiður. Þeir gerðu okkur mjög erfitt fyrir, Skaginn. Völlurinn var svo þungur og grasið eins og það er. Ég held að 3-0 gefi ekki rétta mynd af leiknum."
Sölvi Geir Ottesen og Kári Árnason, félagar Halldórs í vörninni, leggja núna skóna á hilluna.
„Við erum komnir með einhvern 'solid' Kana (Kyle McLagan) og mér líst mjög vel á hann. Það verður auðvitað erfitt að sjá á eftir þeim. Við sitjum saman í klefanum og svona. Það er mjög gaman að vera í kringum þá. Lífið heldur áfram," sagði Halldór.
Allt viðtalið er hér að ofan.
Athugasemdir
