Ramos, sem er 34 ára gamall, verður samningslaus á næsta ári en samningaviðræður hafa gengið illa og eru líkur á því að hann fari til franska félagsins Paris Saint-Germain á næsta ári.

Leikmaðurinn ákvað að sleppa því að mæta á blaðamannafund spænska landsliðsins fyrir leikinn gegn Þýskalandi en Enrique fullyrðir það að Ramos sé með einbeitinguna á réttum stað.

„Allt þetta sem er búið til í kringum Ramos er hvorki nýtt, gamalt né áreiðanlegt. Þetta er eins og það er og svona er það að hafa svona gæðaleikmann í hópnum. Pressan er eðlileg og hann verður að lifa með því," sagði Enrique.

„Ef það er einhver maður sem reynslu til að takast á við þetta þá er það Sergio Ramos. Hann er mjög vel undirbúinn og það hefur verið þannig frá því hann mætti á fyrstu æfinguna," sagði hann í lokin.