Gennaro Gattuso, þjálfari Napoli, er harður í horn að taka. Napoli spilaði gegn Cagliari í ítölsku úrvalsdeildinni í gær, en miðjumaðurinn Allan var ekki með Napoli í leiknum.
Brasilíski miðjumaðurinn var ekki meiddur, heldur tók Gattuso hann úr liðinu fyrir slakt vinnuframlag á æfingasvæðinu.
„Arek Milik er að glíma við hnémeiðsli og þarf hvíld, Hirving Lozano er með vöðvameiðsli og Kalidou Koulibaly er ekki 100%. Allan, hann æfði ekki eins og ég vildi," sagði Gattuso.
„Hann labbaði um á meðan æfingunni stóð og í mínum bókum er það ekki allt í lagi."
Allan, sem er 29 ára gamall, hefur verið í lykilhlutverki á miðjunni hjá Napoli undanfarin ár.
Napoli lagði Cagliari, 1-0. Dries Mertens skoraði eina mark leiksins.
Athugasemdir