Manchester United var án margra leikmanna gegn Tottenham í gær. Amad Diallo er frá vegna meiðsla og verður það út tímabilið, Lisandro Martínez er frá vegna krossbandsmeiðsla og þeir Mason Mount, Jonny Evans og Luke Shaw hafa verið frá í lengri tíma.
Í síðustu viku meiddust einnig Kobbie Mainoo, Toby Collyer og Manuel Ugarte. Á fréttamannafundi eftir leikinn í gær sagði Ruben Amorim, stjóri United, að hann héldi að Mainoo yrði frá í einhverjar vikur.
„Sjáum til, ég held vikur," var það sem Portúgalinn sagði. Einhvers staðar hafði komið fram að Mainoo yrði einnig frá út tímabilið en það virðist ekki vera staðan.
Í síðustu viku meiddust einnig Kobbie Mainoo, Toby Collyer og Manuel Ugarte. Á fréttamannafundi eftir leikinn í gær sagði Ruben Amorim, stjóri United, að hann héldi að Mainoo yrði frá í einhverjar vikur.
„Sjáum til, ég held vikur," var það sem Portúgalinn sagði. Einhvers staðar hafði komið fram að Mainoo yrði einnig frá út tímabilið en það virðist ekki vera staðan.
Í gær vantaði einnig Christian Eriksen og Leny Yoro en þeir voru frá vegna veikinda. Varamarkmaðurinn Altay Bayindir er einnig meiddur.
Næsti leikur United, sem er í 15. sæti í úrvalsdeildinni, verður gegn Everton á útivelli næsta laugardag.
Athugasemdir
