Dele Alli hefur skorað sextán mörk á þessu tímabili með Tottenham. Alli fékk rauða spjaldið gegn Gent í Evrópudeildinni á dögunum og af og til hefur skapið truflað hann. Alli var til umræðu í sjónvarpsþætti vikunnar á Fótbolta.net.
„Hann er ótrúlegur leikmaður og einn besti ungi leikmaður í heimi. Mér finnst frábært hvað hann er óttalaus, reynir hluti og skorar mörk. Það kemur honum ekkert úr jafnvægi andlega eða líkamlega. Ég held að það væri skrýtið að aga hann eða skamma hann. Það gæti haft vond áhrif á sjálfstraustið,“ sagði Björn Bragi Arnarsson í þættinum.
„Hann kemur úr erfiðu umhverfi. Pabbi hans stakk af og hann hefur þurft að berjast fyrir öllu með kjafti og klóm. Þetta er ekkert ósvipað og Zlatan, Zidane og Joey Barton. Þetta eru gæar sem koma úr erfiðu umhverfi og hafa þurft að berjast fyrir öllu. Það fylgir þeirra karakter að þeir eru trylltir,“ sagði Jóhann Alfreð Kristinsson.
Alli er einungis tvítugur og Hjálmar Örn Jóhannsson telur að hann gæti farið frá Tottenham á næstu árum. „Ég held að við séum að fara að horfa á eitthvað svakalegt eins og Barcelona eða Real Madrid. Því miður,“ sagði Hjálmar.
Hér að ofan má sjá umræðuna í heild sinni.
Sjá einnig:
Sjónvarpið: Draumalið skemmtilegra leikmanna
Sjónvarpið: Tottenham vinnur pottþétt stóran titil
Sjónvarpið: Aukastig fyrir burst, tíu mínútna brottvísun og örlagaspjald
Gestir vikunnar í sjónvarpsþætti Fótbolta.net.
Athugasemdir
