Það var Íslendingaslagur í opnunarleik sænsku úrvalsdeildarinnar í dag. Vaxjö tók á móti AIK.
Hallbera Guðný Gísladóttir var í byrjunarliði AIK og landsliðskonan reynda fékk fyrirliðabandið í sínum fyrsta deildarleik með félaginu.
Vaxjö klúðraði víti í fyrri hálfleiknum en þegar tæpar 20 mínútur voru eftir af venjulegum leiktíma tók AIK forystuna. Þær náðu ekki að halda henni því Vaxjö fékk aðra vítaspyrnu á 85. mínútu og í þetta skiptið nýttu þær hana.
Lokatölur 1-1, jafntefli niðurstaðan í opnunarleik sænsku úrvalsdeildarinnar.
Andrea Mist Pálsdóttir kom ekki við sögu hjá Vaxjö í þessum leik.
Athugasemdir
