Atvikið gerðist á 19. mínútu leiksins: „Gult fyrir leikaraskap!! Kristall Máni kemst einn í gegn með Viktor Örn í bakinu og lætur sig detta í teignum þar sem Víkingar vildu fá víti! Vilhjálmur Alvar dæmir þetta frábærlega og réttilega gult spjald á Kristal!" skrifaði Arnar þá. Á sjónvarpsupptöku mátti sjá Viktor Örn Margeirsson, varnarmann Breiðabliks, grípa í öxl Kristals áður en Kristall féll í teignum.

Kristall Máni var tekinn af velli í leikhléi og var það vegna meiðsla samkvæmt textalýsingu Arnars.

Kristall tjáði sig um atvikið á Twitter í gærkvöldi. Eiður Ben Eiríksson vakti athygli á atvikinu og Kristall Máni svaraði Eiði.

„Kristall aldrei látið sig detta. Sérstök dómgæsla," skrifaði Eiður.

„Gaman að fá að sjá að það megi grípa í öxlina á mönnum," svaraði Kristall.

„Afhverju ætti leikmaður yfir höfuð að láta sig detta þegar hann er einn gegn markmanni? Varnarmaðurinn fyrir aftan ekki í neinni varnarstöðu. Lélegur leikskilningur hjá dómara leiksins.
En til lukku með punktana þrjá," svaraði svo Eiður í kjölfarið.

Víkingur vann leikinn 3-0 með mörkum frá Pablo Punyed, Júlíusi Magnússyni og Kwame Quee.