Nígeríumenn hafa verið í vandræðum í föstum leikatriðum varnarlega og það sýndi sig í 2-0 tapinu gegn Króatíu í gærkvöldi.
Íslenska landsliðið hefur skorað mikið úr föstum leikatriðum undanfarin ár og þar gætu legið góðir möguleikar gegn Nígeríu í Volgograd á föstudag.
Íslenska landsliðið hefur skorað mikið úr föstum leikatriðum undanfarin ár og þar gætu legið góðir möguleikar gegn Nígeríu í Volgograd á föstudag.
Bæði mörk Króata í gær komu í kjölfarið á hornspyrnu. Fyrst skoraði Oghenekaro Etebo varnarmaður Stoke sjálfsmark og síðan braut William Troost-Ekong á Mario Mandzukic eftir aðra hornspyrnu. Luka Modric fór á vítapunktinn og skoraði.
Í vináttuleik gegn Englendingum á Wembley um þarsíðsutu helgi voru Nígeríumenn einnig í basli varnarlega í föstum leikatriðum en þar skoraði Gary Cahill með skalla eftir horn.
„Mér fannst skipulagið vera í lagi. Það sem vantaði í dag var að vera fagmannlegri í föstum leikatriðum og koma í veg fyrir þessi tvö mörk," sagði Gernot Rohr, þjálfari Nígeríu eftir leikinn gegn Króatíu í gær.
Líklegt er að Nígeríumenn fari vel yfir föstu leikatriðin á æfingasvæðinu í vikunni fyrir leikinn gegn Íslandi á föstudag.
Athugasemdir