Í útvarpsþættinum Fótbolti.net var rætt um bestu og verstu 'kaupin' fyrir þetta tímabil í Bestu deildinni.
Jónatan Ingi Jónsson, sem kom til Vals frá Sogndal, var ofarlega á blaði hjá sérfræðingunum Baldvini Borgarssyni og Sölva Haraldssyni.
Jónatan Ingi Jónsson, sem kom til Vals frá Sogndal, var ofarlega á blaði hjá sérfræðingunum Baldvini Borgarssyni og Sölva Haraldssyni.
„Ég var að skoða tölfræðina hjá honum, hann er með hæstu meðaleinkunnina á Fotmob, hann hefur skapað flestu færin í deildinni og er að rekja boltann oftast framhjá varnarmönnunum," segir Sölvi sem var með Jónatan númer tvö á sínum lista.
Á lista Baldvins var Jónatan hinsvegar númer eitt.
„Jónatan Ingi er búinn að vera jafnbesti leikmaður Vals á tímabilinu. Hann hefur stigið upp eftir að Gylfi og Aron duttu út. Hann á þetta virkilega vel skilið," segir Baldvin.
Miðvörðurinn Kyle McLagan sem Fram fékk aftur í sínar raðir frá Víkingi var hinsvegar efstur á listanum hjá Sölva.
Meðal annarra sem voru nefndir í umræðunni eru Haraldur Einar Ásgrímsson í Fram, Marko Vardic í ÍA, Þorri Stefán Þorbjörnsson í Fram, Kristinn Jónsson í Breiðablik og Gylfi Þór Sigurðsson í Val.
Athugasemdir