Enskir og spænskir fjölmiðlar hafa verið að auka umfjöllun sína um Mikel Merino, miðjumann spænska landsliðsins sem á aðeins eitt ár eftir af samningi sínum við Real Sociedad.
Arsenal er sagt leiða kapphlaupið um þennan 28 ára gamla leikmann sem býr yfir reynslu úr ensku úrvalsdeildinni eftir dvöl sína hjá Newcastle tímabilið 2017-18.
Hann hefur síðan þá verið lykilmaður í liði Real Sociedad og á hann 28 landsleiki að baki fyrir Spán.
Merino hóf ferilinn hjá Osasuna og kom við hjá Borussia Dortmund áður en hann skipti í enska boltann.
Sociedad vill fá um 25 milljónir evra fyrir Merino en Arsenal er ekki eina áhugasama félagið. Barcelona og Atlético Madrid hafa mikinn áhuga á miðjumanninum.
Athugasemdir
