Topp tíu - Leikmenn sem mega semja við ensk félög í janúar

10) Juan Cuadrado - Þessi 32 ára kólumbíski kantmaður Juventus hefur verið að spila sem bakvörður með fínum árangri.

9) Ever Benega - Þessi hæfileikaríki miðjumaður Sevilla verður 32 ára í sumar. Var fyrr á þessu ári orðaður við Arsenal.

8) Boubakary Soumare - Manchester City, Everton, Wolves, Leicester og Tottenham hafa öll áhuga á þessum tvítuga miðjumanni Lille.

7) Mario Götze - Skoraði sigurmark úrslitaleiks HM 2014. Er bara 27 ára en hefur þurft að sætta sig við mikla bekkjarsetu hjá Dortmund.

6) Luka Modric - Króatíski miðjumaðurinn hefur þjónað Real Madrid frábærlega en vakt hans virðist vera að fara að ljúka.

5) Thomas Meunier - Hinn belgíski hægri bakvörður PSG verður 29 ára í desember en hann hefur verið orðaður við Arsenal og Everton.

4) Stefan Savic - Þessi 28 ára miðvörður Atletico Madrid á eitt tímabil að baki með Manchester City 2012.

3) Dries Mertens - Þessi 32 ára Belgi er goðsögn hjá Napoli og það virðist nóg eftir á tanknum.

2) Blaise Matuidi - Franski miðjumaðurinn verður 33 ára þegar samningur hans við Juventus rennur út. Er enn í stóru hlutverki hjá Ítalíumeisturunum.

1) Edinson Cavani - Sá úrúgvæski er með 195 mörk í 283 leikjum fyrir PSG. Mun hann spila í ensku úrvalsdeildinni áður en skórnir fara á hilluna?