Balde er 19 ára gamall og kemur úr La Masia akademíunni í Barcelona.

Barcelona sér hann sem arftaka Jordi Alba, sem á aðeins tvö ár eftir af samningi sínum.

Balde hefur spilað sextán leiki fyrir Börsunga á þessu tímabili og var þá kallaður inn í spænska landsliðshópinn fyrir HM. Hann spilaði alla fjóra leiki liðsins á mótinu og þótti standa sig með prýði.

Nú er vonast til þess að hann skrifi undir nýjan fimm ára samning við félagið og samkvæmt Fabrizio Romano er það svo gott sem frágengið en hann verður með 500 milljón evra riftunarákvæði í samningnum.