Francisco 'Paco' Gento, heiðursforseti Real Madrid, er látinn en hann náði 88 ára aldri. Gento spilaði fyrir spænska stórliðið í átján tímabil og vann sex Evrópumeistaratitla. Það er met hjá einstaklingi.
Gento var vinstri vængmaður og lék 43 leiki fyrir spænska landsliðið. Hann vann 24 titla með Real Madrid þar á meðal 12 spænska meistaratitla.
Hann er talinn einn merkasti spænski leikmaður heims og einn besti leikmaður sögunnar í sinni stöðu. Gento var með mikla tæknilega hæfileika og mikla útsjónarsemi.
Gento skoraði 182 mörk í 600 leikjum fyrir Real Madrid sem hann spilaði 1953-1971.
Uppfært: Hér má sjá myndband sem Real Madrid birti til minningar um Gento í dag.
𝘏𝘈𝘚𝘛𝘈 𝘚𝘐𝘌𝘔𝘗𝘙𝘌, 𝘎𝘌𝘕𝘛𝘖. pic.twitter.com/EaLgFcqKsR
— Real Madrid C.F. 🇬🇧🇺🇸 (@realmadriden) January 18, 2022
Athugasemdir