Guðni Th. Jóhannesson, forseti Íslands, er mættur til Hollands til að fylgjast með leik Íslands gegn Frakklandi á EM kvenna í kvöld.
„Liðinu fylgja góðar óskir frá okkur sem eru hér úti og frá öllum sem eru heima," sagði Guðni í viðtali við Fótbolta.net í dag.
„Liðinu fylgja góðar óskir frá okkur sem eru hér úti og frá öllum sem eru heima," sagði Guðni í viðtali við Fótbolta.net í dag.
„Þetta er eitt af því sem getur sameinað okkur. Þess vegna er svo gaman að verða vitni af samhuginum. Við vonum það besta. Þetta er fyrsti leikur og allt getur gerst."
„Ég ætla að horfa á fyrstu þrjá leikina og svo verðum við að sjá hvað gerist. Hvort ég nái að fylgjast með framhaldinu. Það vantar ekki viljann en við sjáum hvað gerist."
Er Guðni klár í Víkingaklappið í kvöld?
„Ég er svolítill Magnús Magnús Magnússon í mér en ég mun leggja mitt að mörkum þar," sagði Guðni og vísaði þar í frægt atriði í áramótaskaupinu í fyrra. Atriðið má sjá hér að neðan.
Athugasemdir
