Taremi kom til Inter á frjálsri sölu frá Porto á dögunum og var ekki lengi að koma sér í gang með nýja félaginu.

Hann skoraði tvö mörk með sjö mínútna millibili í síðari hálfleik gegn Lugano. Fyrra markið gerði hann á 53. mínútu úr vítaspyrnu og það síðara með laglegri afgreiðslu eftir hraða sókn.

Það ætti þó ekki að koma á óvart enda hefur hann verið einn besti sóknarmaður portúgölsku deildarinnar síðustu fjögur ár og verður spennandi að sjá hvað hann gerir í Seríu A á komandi leiktíð.