RMC Sport segir Ben Yedder hafa verið blindfullan eftir viskídrykkju. Hann hafi keyrt með konunni, sem er fædd 2001, í bílakjallara og reynt sjálfsfróun fyrir framan hana á meðan hann snerti á henni lærin. Konan hafi síðan flúið út úr bílnum og farið í felur.

Ben Yedder er í farbanni og í útgöngubanni frá 20 á kvöldin til 6 á morgnana fram að réttarhöldunum. Honum er bannað að fara á bari eða skemmtistaði og má ekki nálgast meint fórnarlamb sitt. Hann þarf einnig að gefa sig fram á lögreglustöð tvisvar í viku.

Ben Yedder lék síðast fyrir franska landsliðið 2022 en hann hefur lekið nítján landsleiki. Hann hefur spilað fyrir Toulouse, Sevilla, og Mónakó og samtals skorað 259 mörk í 513 leikjum.