Hægri bakvörðurinn Aaron Wan-Bissaka skoraði sitt fyrsta mark fyrir Manchester United í gær þegar liðið vann 4-1 sigur á Newcastle í ensku úrvalsdeildinni.
Wan-Bissaka er fyrst og fremst varnarbakvörður og það kom liðsfélögum hans á óvart þegar hann skoraði.
„Við vissum ekki að hann gæti skotið," sagði Bruno Fernandes um Wan-Bissaka í samtali við sjónvarpsstöð Manchester United. „Það er erfitt fyrir okkur að trúa því vegna þess að hann skýtur aldrei."
„Við töluðum um það í búningsklefanum að við héldum það að hann vildi senda boltann fyrir, en hann fór í gegn og skoraði."
„Ég er ánægður fyrir hann, hann átti þetta skilið og við erum alltaf að biðja hann um þetta," sagði Fernandes.
Mörkin úr sigri Man Utd á Newcastle má sjá hér að neðan.
Athugasemdir
