Luis Enrique mun snúa aftur til að taka við spænska landsliðinu og verður þetta kynnt á fréttamannafundi á morgun, samkvæmt ýmsum fjölmiðlum frá Spáni.
Enrique stýrði spænska landsliðinu en hætti fyrr á árinu, skömmu áður en níu ára dóttir hans lést af völdum krabbameins. Aðstoðarþjálfarinn Robert Moreno hefur stýrt landsliðinu síðan.
Í hádeginu á morgun verður fréttamannafundur hjá spænska landsliðinu og er búist við að fregnirnar verði tilkynntar þá.
Spánn fór auðveldlega í gegnum undankeppnina og endaði með 26 stig af 30 mögulegum eftir jafntefli í Svíþjóð og Noregi í landsleikjahlénu í október.
Enrique er eftirsóttur þjálfari og hefur meðal annars verið orðaður við Arsenal í mánuðinum.
Athugasemdir