Dómari leiksins notaði VAR og rak Cavani, sem er leikmaður Manchester United, af velli fyrir brot hans á Richarlison.

„Þetta var ekki viljaverk, hann ætlaði í boltann. Ef fóturinn minn hefði verið fastur við grasið hefði ég samt getað ökklabrotnað," segir Richarlison.

Brasilía hefur unnið alla þrjá fyrstu leiki sína í undankeppninni og allt bendir til þess að liðið verði með í lokakeppninni í Katar.

„Við megum ekkert slaka á þrátt fyrir þessa flottu byrjun. Við vitum að allir leikir eru erfiðir en við erum á réttri leið."

Richarlison hefur ekki spilað síðustu leiki Everton vegna leikbanns en Everton heimsækir Fulham um helgina.