,,Leikurinn var ekki upp á marga fiska. Þetta var ekki alslæmt en ég hefði viljað sjá þetta betra," sagði Ejub Puriseivc þjálfari Víkings Ólafsvíkur eftir 2-1 tap gegn ÍBV í Fótbolta.net í gærkvöldi.
Ólafsvíkingar eru að fara í Pepsi-deildina í fyrsta skipti en þeir hafa ekki sömu aðstöðu og önnur lið þar til æfinga yfir vetrartímann.
,,Við erum í íþróttahúsinu og í sólarsporti. Við erum ekki á gervigrasi, kannski kemur það einhverntímann en það er ekki eins og er."
Ejub býst við að styrkja leikmannahópinn aðeins meira áður en flautað verður til leiks í vor en hann ætlar þó ekki að stækka hópinn of mikið.
,,Við erum að skoða okkar mál og vonandi kemur eitthvað fljótlega. Ég ætla að segja það hreint út, ég held að við verðum með 18 leikmenn og tvo markmenn, það verður ekki meira. Ég held að það sé nóg."
Hér að ofan má sjá viðtalið í heild sinni.
Athugasemdir
