Newcastle United er búið að leggja fram 14 milljón punda tilboð í Matheus Franca, leikmann Flamengo í Brasilíu.
Franca er 18 ára gamall og kemur úr akademíu Flamengo en hann skoraði sex mörk á síðasta tímabili með aðalliðinu.
Hann spilar iðulega sem sóknarsinnaður miðjumaður en getur leyst flestar stöðu í fremstu línu.
Newcastle er búið að leggja fram 14 milljón punda tilboð í þennan efnilega leikmann en þetta kemur fram í brasilískum miðlum.
Franca á að baki sex landsleiki fyrir U16 ára landslið Brasilíu og þá var hann nýlega valinn í U20 ára landsliðið fyrir Suður-Ameríkukeppnina.
Athugasemdir