„Hvað meinarðu með alvöru Spurs? Sýnum tryggð við strákana og segjum þeim að þeir gerðu allt það sem þeir gátu," sagði Jose Mourinho, stjóri Tottenham, eftir 1-0 tap gegn Leipzig á heimavelli í 16-liða úrslitum Meistaradeildarinnar.
Spyrill BT Sport spurði Mourinho hvort það hefði verið alvöru Spurs-lið sem hefði verið að spila eftir að hann gerði skiptingarnar sínar í leiknum.
Spyrill BT Sport spurði Mourinho hvort það hefði verið alvöru Spurs-lið sem hefði verið að spila eftir að hann gerði skiptingarnar sínar í leiknum.
„Lamela (einn af leikmönnunum sem var skipt inn á) - veistu hversu margar æfingarnar hann hafði með liðinu? Núll. Hann kom beint úr meiðslum í að spila 20 mínútur í Meistaradeildinni."
Tottenham er í meiðslavandræðum framarlega á vellinum, tveir bestu leikmenn liðsins, Son Heung-min og Harry Kane eru báðir meiddir.
„Við erum í þannig stöðu að þetta er eins og að fara í byssubardaga án þess að hafa kúlur."
„Þú getur sagt að við höfum verið heppnir í ákveðnum stöðum, en frábær markvörður varði tvisvar stórkostlega." sagði Mourinho.
„Ég hef ekki áhyggjur af 1-0, við getum farið þangað og unnið. Það sem veldur mér áhyggjum er að þetta eru leikmennirnir sem við höfum í næstu leikjum. Moura var algjörlega dauður, Bergwijn var algjörlega dauður, Lo Celso var algjörlega dauður."
„Við erum í vandræðum. Ef það væri bara þessi leikur þá myndi ég segja ekkert vandamál en við eigum leiki í FA-bikarnum og ensku úrvalsdeildinni."
Leikur Tottenham við Chelsea í ensku úrvalsdeildinni var færður á hádegi laugardags út af útsendingu BT Sport. Mourinho endaði viðtalið á að þakka spyrlinum fyrir það.
Sjá einnig:
Mourinho gagnrýndur - „Sóknarlega er það bara eitthvað"
Athugasemdir