Timo Werner skoraði eina mark Leipzig úr vítaspyrnu í 1-0 sigri á Tottenham í fyrri leik liðanna í 16-liða úrslitum Meistaradeildarinnar á þessu miðvikudagskvöldi.
Werner er 23 ára gamall sóknarmaður sem orðaður hefur verið við Liverpool fyrir næstu leiktíð.
Norðmaðurinn Jan Aage Fjortoft ræddi við hann eftir leikinn í kvöld og spurði hann út í sögusagnirnar um Liverpool.
„Liverpool er besta lið í heimi í augnablikinu," sagði Werner. „Það gerir mig mjög stoltan að vera orðaður við það lið. Ég verð að bæta mig til þess að geta spilað þar."
Werner hefur á þessu tímabili skorað 25 mörk í 31 leik í öllum keppnum.
.@TimoWerner: – Liverpool are the best team in the world at the moment, and when you're linked with that team, it makes me very proud.
— Viasport Fotball (@ViasportFotball) February 19, 2020
(@JanAageFjortoft) pic.twitter.com/KE0Fy4sm0F
Athugasemdir