Það var boðið upp á skemmtilegan leik í Lengjubikar karla í kvöld en Haukar og Reynir frá Sandgerði áttust við í B-deild, riðli 2.

Fannar ÓIi Friðleifsson tekur fyrirsagnirnar að þessu sinni en hann komst tvisvar á blað. Fannar leikur með Haukum.

Fannar skoraði fyrst sjálfsmark á 62. mínútu og skoraði Reynir svo annað mark stuttu síðar.

Vítaspyrna kom Haukum aftur inn í leikinn en úr henni skoraði Tómas Leó Ásgeirsson á 79. mínútu.

Fannar hefndi svo fyrir þetta sjálfsmark undir lok leiksins og tókst að jafna metin í leik sem lauk með 2-2 jafntefli.