Hann náði þeim áfanga að spila sinn 100. leik fyrir félagið.

Því miður kom þessi stóri leikur Jóhanns í tapi. Burnley er með þrjú stig eftir fyrstu tvo leikina í ensku úrvalsdeildinni. Næsti leikur Burnley er gegn Úlfunum næsta sunnudag.

Jóhann Berg er 28 ára gamall og hefur hann leikið með Burnley frá 2016. Hann kom til Burnley frá Charlton.

Hann hefur reynst Burnley mjög vel, en eins og flestir vita er hann einnig lykilmaður í íslenska landsliðinu. Hann verður í hópnum sem mætir Moldavíu og Albaníu í næsta mánuði - þ.e.a.s. ef hann verður ekki meiddur.