Leikmenn eru að mótmæla vegna ógreiddra launa en liðið er á botni mexíkósku deildarinnar með fjögur stig eftir þrettán umferðir. Síðasti sigur liðsins í deildinni kom í ágúst í fyrra.

Veracruz mætti toppbaráttu liði UANL Tigres í nótt og lenti þremur mörkum undir á fyrstu tíu mínútunum. Fyrstu tvö mörkin voru gefins eins og er hægt að sjá á myndbandinu hér fyrir neðan.

Eftir þriðja markið misstu gestirnir mann af velli með rautt spjald og náðu heimamenn að klóra í bakkann undir lokin, en lokatölur urðu 1-3.

Mexíkóar eru ekki sáttir með þessa hegðun leikmanna Tigres, sem nýttu sér mótmæli andstæðinga sinna til að skora tvö mörk.