Franska félagið Rennes hefur sparkað Bruno Genesio úr starfi eftir afar slakt gengi á tímabilinu.
Rennes hefur aðeins unnið tvo af tólf leikjum sínum í frönsku deildinni á tímabilinu.
Genesio hefur að vísu náð fínasta árangri með liðið í Evrópudeildinni en það er í efsta sæti F-riðils með 9 stig eftir fjóra leiki.
Þrátt fyrir ágætis árangur í Evrópu hefur félagið samt tekið ákvörðun um að reka Genesio en þetta kom fram í tilkynningu félagsins í dag.
Kemur þar fram að félagið náði samkomulagi við Genesio um að hann láti af störfum og nefndi einnig persónulegar ástæður í því samhengi. Julian Stephan, fyrrum þjálfara liðsins, snýr aftur á hliðarlínuna og mun stýra liðinu út tímabilið.
Athugasemdir
