Hin sænska Tess Olofsson hefur staðið sig vel í dómgæslu í Svíþjóð og hefur hún fengið góða viðurkenningu fyrir störf sín.
Olofsson er nefnilega komin í fullt starf hjá sænska knattspyrnusambandinu sem dómari. Hún er eina konan sem er í fullu starfi við slíkt.
Hún varð á síðasta ári fyrsta konan til að dæma í næst efstu deild karla og mun hún halda því áfram á þessu ári, ásamt því að dæma í efstu deild kvenna.
„Núna get ég einbeitt mér 100 prósent að fótboltanum. Ég mun líka kynna störf dómarans fyrir fólki hjá knattspyrnufélögum í fyrirtækjum. Núna fæ ég tíma til að æfa og leikgreina sjálfa mig, og bæta mig þannig frekar," segir Olofsson.
Hún stefnir á að dæma í úrvalsdeild karla í Svíþjóð í framtíðinni og er hún líka með það markmið að dæma á EM kvenna 2022 og HM kvenna 2023.
Grein Fotbollskanalen um hana má lesa í heild sinni hérna.
Sjá einnig:
„Viljum fá fleiri kvendómarafyrirmyndir"
Athugasemdir