Ensku úrvalsdeildarfélögin Chelsea og Leicester hafa verið ákærð af enska knattspyrnusambandið eftir lætin sem urðu í leik þeirra á dögunum.
Chelsea vann Leicester 2-1 í ensku úrvalsdeildinni á þriðjudag en undir lok leiks sauð upp úr.
Ricardo Pereira braut þá á Ben Chilwell og mætti Antonio Rudiger í kjölfarið og ýtti Pereira en leikmenn hópuðust saman og rifust heiftarlega við hliðarlínunni.
Það tók sinn tíma að róa mannskapinn en það var mikill hiti í mönnum í leiknum og þá sérstaklega eftir atvikið sem átti sér stað um helgina er Daniel Amartey, leikmaður Leicester, sýndi Chelsea óvirðingu eftir bikarúrslitaleikinn með því að kasta fána félagsins í gólfið en það náðist á myndband.
Enska knattspyrnusambandið hefur nú kært bæði Chelsea og Leicester fyrir framkomu þeirra í deildinni á dögunum og gætu félögin átt von á sekt.
Athugasemdir