Heimild: Daily Mail
Portúgalski sóknarmaðurinn Cristiano Ronaldo hefur náð samkomulagi við spænsk skattayfirvöld í kjölfar rannsóknar á meintum skattsvikum stórstjörnunnar.
Spænski fréttamiðillinn Cadena Cope greinir frá því að Ronaldo hafa samþykkt tveggja ára fangelsisdóm, sem er sjálfkrafa skilorðsbundinn á Spáni. Auk þess þarf hann að greiða yfirvöldum 12 milljónir punda og tæplega 5 milljónir í lögfræðikostnað.
Ronaldo er sakaður um að gefa fyrirtæki á Bresku Jómfrúaeyjunum ímyndarréttinn sinn til að sleppa við að borga skatt á Spáni, þar sem hann var búsettur.
Skattayfirvöld á Spáni hafa farið í mál við menn á borð við Lionel Messi, Jose Mourinho, Alexis Sanchez, Luka Modric og Neymar vegna skattsvika undanfarin ár.
Athugasemdir